Seinkun á farangri

Athugið að fyrstu 5 dagana sér starfsfólk flugvallarins alfarið um leitina að töskunni þinni. Smelltu hér fyrir upplýsingar um tengiliði á flugvöllum WOW air.

---

Okkur þykir leitt að taskan þín hafi ekki skilað sér með fluginu þínu. 

• Núna þarft þú að fylla út skýrslu hjá farangursþjónustu þess flugvallar þar sem þú steigst frá borði.

• Þegar búið er að fylla út skýrsluna reynir starfsfólk flugvallarins að hafa uppi á töskunni þinni. Um leið og taskan finnst verður haft samband við þig og henni komið til þín eins fljótt og auðið er.

• Þeir sem hafa fyllt út skýrslu vegna týnds farangurs geta fylgst með stöðunni á WorldTracer. 

Venjulega finnst taskan á fyrstu dögunum og við náum að koma henni til þín á nokkrum dögum. Ef meira en 5 dagar líða og taskan er enn ófundin hafðu þá vinsamlegast samband við okkur. Góðfúslega upplýstu okkur um hvort farangurinn sé hugsanlega merktur öðrum en farþeganum sem tilkynnti tapið. Jafnframt biðjum við þig vinsamlegast um að tilgreina nákvæmlega innihald hins týnda farangurs, s.s. merki og liti, hvort um barna-, kven- eða karlmannsfatnað er að ræða. Þessar viðbótarupplýsingar munu hjálpa okkur við leitina.

Dæmi:
1 stk. svartar Levi's kvengallabuxur, stærð 32 – 9.500 kr.
1 stk. rauð Dior snyrtitaska með snyrtivörum – 6.000 kr.
2 stk. Benetton pils, annað svart og hitt hvítt og blátt – 5.500 kr. o.s.frv.

Ekki gleyma að taka fram heildarverðmæti farangursins.